ශ්රී ලංකාවට ඊසාන දෙසින් පිහිටා ඇති අඩු පීඩන කලාපය, තවදුරටත් පවතියි. එසේ වුවත් ඉදිරි පැය 48 තුළ එම පද්ධතිය ශ්රී ලංකාවෙන් ඉවතට ගමන් කරමින්, ක්රමයෙන් දුර්වල වනු ඇති බවට අපේක්ෂා කරන බව කාලගුණවිද්යා දෙපාර්තමේන්තුව දැනුම් දෙයි.
ඒ අනුව අද (13) දින සවස 2ට නිකුත් කරන ලද නිවේදනයට අනුව මෙම පද්ධතියේ බලපෑම හේතුවෙන් දිවයිනේ දැනට පවතින වැසි සහිත කාලගුණ තත්ත්වය ඉදිරි දින 2 තුළදීද, තවදුරටත් පවතිනු ඇති බවට බලාපොරොත්තු වන බව සඳහන්.
බස්නාහිර, සබරගමුව, මධ්යම, දකුණු, වයඹ සහ උතුරු පළාත්වලත් අනුරාධපුර දිස්ත්රික්කයේත් විටින් විට වැසි හෝ ගිගුරුම් සහිත වැසි ඇති වෙන අතර බස්නාහිර, සබරගමුව, මධ්යම සහ වයඹ පළාත්වලත් ගාල්ල සහ මාතර දිස්ත්රික්කවලත් ඇතැම් ස්ථානවලට මිලිමීටර් 100 ට වැඩි තද වැසි ඇති විය හැකි බව අඳාළ නිවේදනයේ දැක්වේ.
එසේම දිවයිනේ අනෙකුත් ප්රදේශවල පස්වරු 1.00 න් පසු වැසි හෝ ගිගුරුම් සහිත වැසි ඇති වන බව සඳහන්.
කෙසේ වෙතත් ගිගුරුම් සහිත වැසි සමඟ ඇතිවිය හැකි තාවකාලික තද සුළංවලින් සහ අකුණු මඟින් සිදුවන අනතුරු අවම කර ගැනීමට අවශ්ය පියවර ගන්නා ලෙස කාලගුණවිද්යා දෙපාර්තමේන්තුව ජනතාවගෙන් ඉල්ලා සිටියි.
