මේ දිනවල රන්මිල නිතරම වෙනස් වීම්වලට ලක් වෙන අතර පසුගිය දිනවල රන් මිලෙහි විශාල මිල පහළ යාම්ද දක්නට ලැබුණා.
කෙසේ වෙතත් ලෝක වෙළෙඳපොළේ රත්රං මිලෙහි වැඩිවීමක් සිදුව ඇති අතර ඊට සාපේක්ෂව මෙරට රත්රං මිල ද ඉහළ ගොස් ඇති බව වාර්තා වේ.
ඒ අනුව අද (25) වනවිට ලෝක රන් මිල අවුන්සයක් ඩොලර් 4,569 දක්වා ඉහළ ගොස් තිබෙනවා.
කොළඹ හෙට්ටිවීදිය රන් වෙළෙඳපොළෙහි අද උදෑසන නිකුත්කළ නවතම දත්ත අනුව රත්රං මිලේ සමස්ථ වැඩිවීම රුපියල් 8,000ක් වේ.
එබැවින් අද දිනයේ "කැරට් 22" රන් පවුමක් මිල රු. 361,500ක් වශයෙන් සඳහන් විය.
මේ අතර ඊයේ දිනයේ දී රු. 385,000ක් වශයෙන් පැවති "කැරට් 24" රන් පවුමක මිල අද වනවිට රු. 393,000ක් දක්වා ඉහළ ගොස් ඇති බව කොළඹ හෙට්ටිවීදිය රත්රං වෙළෙඳපොළ ආරංචි මාර්ග පවසයි.
