අද දින එක්සත් ජනපදය ඉරානයේ ඉලක්ක වෙත මහා පරිමාණ ගුවන් ප්රහාර මාලාවක් දියත් කර ඇති අතර, ඉරානය විසින් ගෝලීය බලශක්ති නැව්ගත කිරීම් සඳහා ලෝකයේ වැදගත්ම මාර්ගවලින් එකක් වන හෝමූස් සමුද්ර සන්ධිය නිල වශයෙන් වසා දැමීමට නිවේදනය කර ඇත.
උත්සන්න වන ආතතීන් මධ්යයේ, ගෝලීය බොරතෙල් මිල අද (11) බැරලයකට ඩොලර් 2 කට වඩා වැඩි විය. ජාත්යන්තර මිණුම් ලකුණ වන බ්රෙන්ට් බොරතෙල් බැරලයකට ඩොලර් 2.30 කින් (2.47%) ඉහළ ගොස් ඩොලර් 95.40 ක් වූ අතර, එක්සත් ජනපද WTI බොරතෙල් බැරලයකට ඩොලර් 2.60 කින් (2.89%) ඉහළ ගොස් ඩොලර් 92.63 ක් විය.
ඉරානයේ ඒකාබද්ධ මාණ්ඩලික ප්රධානීන් ප්රකාශ කළේ තෙල් ටැංකි සහ වාණිජ නැව් ඇතුළු සියලුම යාත්රා සඳහා හෝමූස් සමුද්ර සන්ධිය වසා දමන බවත්, ජල මාර්ගය හරහා ගමන් කිරීමට උත්සාහ කරන ඕනෑම යාත්රාවක් ඉලක්ක කළ හැකි බවට අනතුරු අඟවන බවත්ය.
කෙසේ වෙතත්, එක්සත් ජනපද හමුදාව සිය නිල X ගිණුම හරහා පැවසුවේ වාණිජ නැව් ගමනාගමනය සමුද්ර සන්ධිය හරහා ආරක්ෂිතව ගමන් කරන බවයි. ඉරාන මිසයිල සහ ඩ්රෝන යානා ඇමරිකානු යුද නැව් ඉලක්ක කර ගත් බවට ඉරාන රාජ්ය මාධ්ය විසින් පළ කරන ලද වාර්තා ද එක්සත් ජනපදය ප්රතික්ෂේප කරමින් කියා සිටියේ කිසිදු ඇමරිකානු නාවික යාත්රාවක් ප්රහාරයට ලක් නොවූ බවයි.
