රාජ්ය පරිපාලන, පළාත් සභා සහ පළාත් පාලන අමාත්යාංශය විසින් රට තුළ පවතින අර්බුදකාරී තත්ත්වය හේතුවෙන් ඉන්ධන සංචිත සුරක්ෂිතව පවත්වාගෙන යාම සඳහා විශේෂ චක්රලේඛයක් නිකුත් කර ඇත.
මෙම චක්රලේඛය අමාත්යාංශ ලේකම්වරුන්, පළාත් ප්රධාන ලේකම්වරුන්, දෙපාර්තමේන්තු ප්රධානීන් මෙන්ම රාජ්ය සංස්ථා හා ව්යවස්ථාපිත මණ්ඩල ප්රධානීන් වෙත යොමු කර ඇති බවට සඳහන් කරයි.
ඒ අනුව, රජයේ සේවකයින්ට සෑම සතියකම බදාදා දිනයේ ලබාදී ඇති නිවාඩුව හේතුවෙන් සිදු විය යුතු රාජකාරී කටයුතු සතියේ අඟහරුවාදා දිනට යොදාගැනීමට උපදෙස් ලබා දී ඇත.
කෙසේ වෙතත්, ආයතන ප්රධානියා විසින් අවශ්ය යැයි තීරණය කළහොත්, බදාදා දින සේවයට නිලධාරීන් කැඳවීමට හැකි බවද මෙහි එහි සඳහන් වේ.
එවැනි අවස්ථාවලදී, එම සේවය සඳහා නිවාඩු දින වැටුප්, අතිකාල ගාස්තු හෝ හිලව් නිවාඩු ලබා නොදිය යුතු බවද චක්රලේඛයෙන් අවධාරණය කර තිබේ.
මෙම නව උපදෙස් මගින් සීමිත ඉන්ධන සම්පත් ප්රයෝජනවත් ලෙස කළමනාකරණය කරමින් රාජ්ය සේවාව අඛණ්ඩව පවත්වාගෙන යාම අරමුණු කරගෙන ඇති බව පැවසේ.
