ඕස්ට්‍රේලියාවේ සිටින ශ්‍රී ලාංකික බෞද්ධ භික්ෂුවකට එරෙහි නඩුවකදී ඔහු වැරදිකරු වී ඇති බව විදෙස් මාධ්‍ය වාර්තා කරයි.
ඕස්ට්‍රේලියාවේ මෙල්බර්න් හි බෞද්ධ විහාරස්ථානයකදී ගැහැණු ළමයින් හය දෙනෙකු ලිංගික අපයෝජනය කිරීමේ චෝදනාවට ඔහු වැරදිකරු වී තිබේ.
කීස්බරෝ හි ධම්ම සරණ විහාරස්ථානයේ ප්‍රධාන භික්ෂුව වන 70 හැවිරිදි නාඕදුන්නේ විජිත නැමැත්තා ද , වයස අවුරුදු 16 ට අඩු දරුවෙකුට ලිංගික අතවර කිරීමේ චෝදනා අටකට සහ දරුවෙකු සමඟ අශෝභන ක්‍රියාවක් සිදු කිරීමේ චෝදනා නවයකට වරදකරු බව වික්ටෝරියා ප්‍රාන්ත අධිකරණය තීරණය කර තිබේ.
ඒ සමඟම, රටේ ජූරි සභාව තවත් චෝදනාවක් සලකා බලමින් සිටින බව වාර්තා වේ. දැනට 30 හැවිරිදි වියේ පසුවන වින්දිතයා, ස්ප්‍රින්ග්වේල් සහ කීස්බරෝ කැම්පස් හි පිහිටි ඔහුගේ නිවස තුළ අධ්‍යාත්මික නායකයෙකු ලෙස තම තනතුර අනිසි ලෙස භාවිතා කළ බවත්, එවැනි අපයෝජනයකට ලක් කළ බවත් නඩු විභාගයේදී සාක්ෂි දුන් බව කියනු ලැබේ.
තවද, වින්දිතයින් කිහිප දෙනෙකු පොලිසියට පැමිණිලි කිරීමෙන් පසු 2023 දී බෞද්ධ භික්ෂුවට එරෙහිව ඉහත චෝදනා එල්ල විය. කෙසේ වෙතත්, වික්ටෝරියානු නීතිය යටතේ ඔහුට දශකයකට වැඩි කාලයක් සිර දඬුවම් නියම විය හැකි බව ප්‍රාදේශීය මාධ්‍ය පෙන්වා දී තිබේ.
