මිනුවන්ගොඩ මූලික රෝහලේ ප්රතිකාර ගත් 22 හැවිරිදි තරුණියක් අසාධ්යවීමෙන් පසු ගම්පහ රෝහලට ඇතුළත් කර ප්රතිකාර ලබමින් සිටියදී අවාසනාවන්ත ලෙස ජීවිතක්ෂයට පත්වී තිබේ.
මව්පියන් චෝදනා කරන්නේ මිනුවන්ගොඩ මූලික රෝහලේදී සිය දියණියට නිසි අයුරින් ප්රතිකාර නොලැබීම සහ වෛද්යවරයාගේ නොසැලකිල්ල හේතුවෙන් ඇයගේ මරණය සිදුවූ බවය.
මිනුවන්ගොඩ ජාපාල වත්ත ප්රදේශයේ පදිංචි සෙනුරි තක්ෂිලා නමැති 22 හැවිරිදි විවාහක කාන්තාවක් අසනීප තත්ත්වයක් හේතුවෙන් ඉකුත් 18 වනදා මිනුවන්ගොඩ රෝහල්ට ඇතුළත් කර තිබුණි.
දින 4ක් මිනුවන්ගොඩ මූලික රෝහලේ ප්රතිකාර ලබමින් සිටි ඇයව ඉකුත් 22 වනදා අලුයම 1ට පමණ ගම්පහ දිස්ත්රික් මහ රෝහලට ඇතුළත් කිරීමෙන් විනාඩි 20කට පමණ පසු අවාසනාවන්ත ලෙස මියගිය බවද මව්පියන් චෝදනා කරයි.
මියගිය සෙනුරිගේ මව්පියන් සහ සැමියාද පවසන්නේ ඇය මියයෑමට ප්රධාන හේතුව මිනුවන්ගොඩ මූලික රෝහලේ වෛද්යවරුන්ගේ නොසැලකිල්ල බවය.
මේ අතර මියගිය සෙනුරිගේ මරණ පරීක්ෂණයෙන් හෙළිවී ඇත්තේ ඇය ඩෙංගු රෝගයට ගොදුරුවීම හේතුවෙන් මරණය සිදුවී ඇති බවත්ය.
කෙසේවෙතත් සෙනුරිගේ මව්පියන් චෝදනා කරන්නේ දියණිය දින 4ක් මිනුවන්ගොඩ රෝහලේ ප්රතිකාර ලැබුවත් එම රෝහලේ වෛද්යවරුන්ට සිය දියණියට ඩෙංගු රෝගය වැළඳී ඇති බවට අනාවරණය කරගැනීමට නොහැකිවූ බවය.
සෙනුරිගේ දේහය පිළිබඳ අවසන් කටයුතු හෙට (25) මිනුවන්ගොඩ ජාපාල වත්ත පොදු සුසාන භූමියේදී සිදු කිරීමට නියමිතය.
