-modified.png)
මගීන් ඇතුළු කාර්ය මණ්ඩලයේ 239 දෙනකු සමඟින් මීට වසර 11 කට පෙර අතුරුදහන් වූ මැලේසියානු ගුවන් සේවයට අයත් MH370 යානයේ සුන්බුන් සෙවීමේ මෙහෙයුම දෙසැම්බර් 30 වැනිදා යළි ආරම්භ කිරීමට පියවර ගෙන තිබෙනවා.
මැලේසියානු බලධාරීන් ප්රකාශ කර ඇත්තේ මෙම නවතම සෙවීමේ මෙහෙයුම දින 55ක් පුරා ක්රියාත්මක වීමට නියමිත බවයි.
ප්රවාහන අමාත්යාංශය පවසා ඇත්තේ "මෙම ඛේදවාචකයෙන් පීඩාවට පත් පවුල්වලට අවසන් තීරණයක් ලබා දීමට මැලේසියාවේ කැපවීම" මෙමගින් අවධාරණය කරන බවයි.
මෙම සෙවීම මාර්තු මාසයේදී ආරම්භ වූ නමුත් අයහපත් කාලගුණික තත්ත්වයන් හේතුවෙන් කෙටි කලකින් අත්හිටුවා තිබුණා.
වත්මන් සෙවීමේ මෙහෙයුම මෙහෙයවනු ලබන්නේ Ocean Infinity නම් ගවේෂණ සමාගම විසින්.
ඔවුන් මෙම කාර්යය කරනු ලබන්නේ ‘සොයාගැනීමක් නැතිවුණොත්, ගාස්තුවක් නැහැ" යන එකඟතාව යටතේයි.
සුන්බුන් සොයාගතහොත් සමාගමට ඩොලර් මිලියන 70ක් (පවුම් මිලියන 56ක්) ලැබෙනු ඇති බව ප්රවාහන අමාත්ය ලෝක් සියු ෆූක් මීට පෙර ප්රකාශ කළා.
Boeing 777 වර්ගයට අයත් MH370 ගුවන් යානය 2014 දී ක්වාලාලම්පූර් සිට බීජිං බලා යන අතරතුර අතුරුදහන් වුණා.
මෙම සිදුවීම ගුවන් සේවා ඉතිහාසයේ විශාලතම සෙවීම් මෙහෙයුමට හේතුවක් බවට පත්වුණා.
ගුවන් යානය 2014 මාර්තු 8 වන දින ගුවන්ගත වී පැයකටත් අඩු කාලයකදී ගුවන් ගමනාගමන පාලනය සමඟ සම්බන්ධතා නැති වී තිබුණා.
රේඩාර් දත්ත මගින් පෙන්නුම් කළේ යානය එහි මුල් ගමන් මාර්ගයෙන් ඉවතට ගොස් ඇති බවයි.
මෙම අතුරුදන්වීම ගුවන්යානා ඉතිහාසයේ ගුවන් සේවා අභිරහස්වලින් එකක්.
වසර ගණනාවක් පුරා පවුල් විසින් නව සෙවීමක් ඉල්ලා සිටියේ අවසන් තීරණයක් ලබා ගැනීමට ඇති ඔවුන්ගේ අරගලය සටහන් කරමින්.
මෙම සිදුවීම ගුවන් නියමුවා හිතාමතාම යානය බිම හෙළීම හෝ යානය පැහැරගෙන යාම වැනි බොහෝ කුමන්ත්රණ න්යායන්ට ද හේතු වී තිබෙනවා.
මීට පෙර සෙවීමේ මෙහෙයුම් අතරට රටවල් 26 කින් නෞකා 60 ක් සහ ගුවන් යානා 50 ක් සම්බන්ධ වූ බහුජාතික සෙවීමක් ඇතුළත් වූ අතර එය 2017 දී අවසන් වුණා.
එසේම, Ocean Infinity විසින්ම 2018 දී කරන ලද උත්සාහයක් මාස තුනකට පසුව අවසන් වුණා.
2018 වසරේ සිදු කරන ලද විමර්ශනයකින් සොයා ගන්නා ලද්දේ යානයේ පාලනයන් හිතාමතාම වෙනස් කර ගමන් මාර්ගයෙන් ඉවතට ගෙන ඇති බවට ඉඩ ඇති බවයි.
නමුත් ඒ පිටුපස ඇති හේතු පිළිබඳව කිසිදු නිගමනයකට එළඹුණේ නැහැ.
පරීක්ෂකයින් එදා සඳහන් කළේ "සුන්බුන් සොයාගතහොත් පමණක් පිළිතුර නිශ්චිත විය හැකි" බවයි.
