නොදැන ශුක්‍රාණු දායාද කෙරූ පුද්ගලයෙක් නිසා දරුවන් 200ක් අනතුරේ

අනේ මන්දා මේවා අහද්දිත් ඇඟ හිරිවැටෙනවා. මුළු යුරෝපයම දැන් ඉන්නේ ලොකු භීතියකින්. හේතුව තමයි, ඩෙන්මාර්කයෙන් ආපු එක ශුක්‍රාණු දායකයෙක් (Sperm Donor) නිසා උපන්න දරුවන් 200කට කිට්ටු ගාණක් දැන් ඉන්නේ මරණ බියෙන්.

සිද්ධිය මේකයි. මේ දායකයාගෙන් ශුක්‍රාණු ලබාගෙන උපන්න දරුවන් 197 දෙනෙක්ට විතර TP53 කියලා හරිම භයානක ජාන විකෘතියක් සම්ප්‍රේෂණය වෙලා කියලා දැන් හොයාගෙන තියෙනවා. මේක කොච්චර දරුණුද කියනවා නම්, මේ දරුවන්ට වයස අවුරුදු 60 වෙන්න කලින් පිළිකාවක් හැදෙන්න තියෙන චාන්ස් එක 90%ක් විතර වැඩියිලු.මේ තත්ත්වයට කියන්නේ Li-Fraumeni syndrome කියලා.

වැඩේ කියන්නේ, මේ දායකයා මේක දැනගෙන කරපු දෙයක් නෙවෙයිලු. මෙයා කැම්පස් යන ශිෂ්‍යයෙක් කාලේ ඉඳන්, ඒ කියන්නේ 2005 ඉඳන් අවුරුදු 17ක් තිස්සේ යුරෝපීය ශුක්‍රාණු බැංකුවට ශුක්‍රාණු පරිත්‍යාග කරලා. හැබැයි ඔහුගේ ශුක්‍රාණුවලින් 20%කම මේ භයානක විකෘතිය තිබිලා කියලා තමයි ආරංචිය.

ලොකුම අවුල තියෙන්නේ එතන නෙවෙයි. ඔහු ඒ කාලේ තිබ්බ හැම මෙඩිකල් ටෙස්ට් එකක්ම පාස් වෙලා තියෙනවා. ඉතින් බැංකුවත් බය නැතුව රටවල් 14ක සායන 67කට මේවා යවලා. මේක බැංකුවේ ලොකු අතපසුවීමක් (Institutional failure) කියලයි දැන් මාධ්‍යවලින් අනාවරණය කරලා තියෙන්නේ.

මේ ගැන කරපු ලොකු පරීක්ෂණයකින් හොයාගත්තු ළමයි 67 දෙනෙක්ගෙන් 23 දෙනෙක්ටම මේ විකෘතිය තියෙනවා කියලා දැන් ඔප්පු වෙලා. ඒකෙනුත් 10 දෙනෙක්ට දැනටමත් පිළිකා හැදිලලු. අවාසනාව කියන්නේ, මේ විකෘතිය නිසා සමහර පුංචි දරුවෝ දැනටමත් මෙලොව දාලා ගිහින් කියලයි ආරංචිය..