ලංකා ඛනිජ තෙල් නීතිගත සංස්ථාවේ (CPC) ණය සම්පූර්ණයෙන් ගෙවා දැමීමෙන් පසු ඉන්ධන මත පනවා ඇති රුපියල් 50 බද්ද ඉවත් කරන බව විදුලිබල හා බලශක්ති අමාත්‍ය කුමාර ජයකොඩි මහතා අද පාර්ලිමේන්තුවේදී පැවසීය.
පසුගිය රජය සමයේදී භාණ්ඩාගාරය විසින් පවරා ගත් රුපියල් බිලියන 884 ක මුළු ණයෙන් අඩක් මේ වන විට ගෙවා ඇති බව අමාත්‍යවරයා සඳහන් කළේය.
සමගි ජන බලවේගයේ පාර්ලිමේන්තු මන්ත්‍රී දයාසිරි ජයසේකර මහතා නැගූ ප්‍රශ්නයකට පිළිතුරු දෙමින් අමාත්‍යවරයා කියා සිටියේ, භාණ්ඩාගාරය විසින් CPC හි රුපියල් බිලියන 884 ක ණය පවරා ගෙන එම ණය පියවීම සඳහා ඉන්ධන ලීටරයකට රුපියල් 50 ක බද්දක් පැනවූ බවයි.
“ණයෙන් අඩක් මේ වන විට ගෙවා අවසන්. ණය සම්පූර්ණයෙන් ගෙවා දැමීමෙන් පසු ඉන්ධන මත පනවා ඇති රුපියල් 50 බද්ද ඉවත් කිරීම පිළිබඳව අපි සලකා බලනවා,” අමාත්‍යවරයා වැඩිදුරටත් පැවසීය.”
