රියදුරු බලපත්‍රයක් අලුත් කිරීමට නව ක්‍රමවේදයක් සකස් කිරීමට බලාපොරොත්තු වන බව වරාය සහ සිවිල් ගුවන්සේවා නියෝජ්‍ය අමාත්‍ය ජනිත කොඩිතුවක්කු පවසනවා.
මේ ඒ පිළිබදව වැඩිදුරටත් අදහස් දක්වන නියෝජ්‍ය අමාත්‍යවරයා....
"රියදුරු බලපත්‍රයක් කල් ඉකුත්වූ විට එය අලුත් කරගැනීමටත් වේරහැරට එන්න වෙලා තියෙනවා. එය ජනතාවට විශාල අපහසුතාවක්. වේරහැරට පැමිණීම අනිවාර්ය වෙලා තියෙන්නේ ඇඟිලි සලකුණු ලබාදීමට අවශ්‍ය නිසා පමණයි. තවත් මාසයක් වැනි කාලයක් තුල මෙම ක්‍රමවේදයත් වෙනස් කරලා, රියදුරු බලපත්‍රයක් අලුත් කිරීමට වේරහැරට එන්නෙ නැතිව, පහසුවෙන් කරගත හැකි ක්‍රමවේදයක් අපි සකස් කිරීමට බලාපොරොත්තු වෙනවා. එහි මූලික කටයුතු මේ වනවිටත් ආරම්භ කරලයි තිබෙන්නේ" යනුවෙන්.
