ජනපතිගෙන් අලුත් අවුරුද්දට සුභාශිංසන


එකමුතුකමින් සහ නිවැරදි අවබෝධයෙන් යුතුව අභියෝග ජය ගැනීමට උදා වූ අලුත් අවුරුද්දේ කටයුතු කළ යුතු බව ජනාධිපති ගෝඨාභය රාජපක්ෂ ප්‍රකාශ කළා.ඒ, අලුත් අවුරුදු සුබ පැතුම් පණිවුඩය නිකුත් කරමින්.

පවතින ආර්ථික සහ ගෝලීය අර්බුද හමුවේ ශ්‍රී ලංකාව ඉතිහාසයේ එල්ල වූ විශාලතම අභියෝගයට මුහුණදෙමින් සිටින බවයි ජනාධිපතිවරයා සඳහන් කරන්නේ.අලුත් අවුරුදු උදාව නැවුම් අපේක්ෂාවන් සමඟ පිළිගැනීම අපගේ පිළිවෙත වන අතර, පවතින අභියෝග ජය ගන්නා සෞභාග්‍යමත් වසරක් ජනාධිපතිවරයා ප්‍රාර්ථනා කරනවා.
$ads={2}
අලුත් අවුරුදු පණිවුඩයෙන් අග්‍රාමාත්‍ය මහින්ද රාජපක්ෂ සඳහන් කරන්නේ පවතින දුෂ්කර කාලය පසුකර යෑමට සියලු දෙනා එක්ව සමගි සම්පන්නව ක්‍රියා කළ යුතු බවයි.අභියෝගාත්මක කාලයේ අනපේක්ෂිතව ජනතාව මුහුණදුන් පීඩා එකිනෙක මගහැරලීමට අවශ්‍ය අනාගත සැලසුම් ක්‍රියාවට නංවමින් සිටින බවද අග්‍රාමාත්‍යවරයා ප්‍රකාශ කරනවා.විපක්ෂ නායක සජිත් ප්‍රේමදාස සිය අලුත් අවුරුදු පණිවුඩයෙන් සඳහන් කළේ මහත් කැපකිරීම් කළ ජනතාවට, යළි කැපකිරීම් කරන්නට කියනවා වෙනුවට ප්‍රායෝගිකව පාලකයින් එම කටයුත්තට එළැඹීම මේ මොහොතේ අත්‍යවශ්‍ය වන බවයි.

ආර්ථික සහ දේශපාලන වශයෙන් අවදානම් තැනකට රට තල්ලු වී ඇති අතර, ජනතාවගේ සාමාන්‍ය ජීවන තත්ත්වයට අසාමාන්‍ය ලෙස අභියෝග පැමිණ ඇති බවද ඔහු ප්‍රකාශ කරනවා.

ඔබේ ප්‍රතිචාරය කුමක්ද ?

ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් පළ කරන්න

Post a Comment (0)
Previous Post Next Post