අගමැති අද සවස ජාතිය අමතා ඉල්ලා අස්වෙයි ? දැන් විශේෂ කැබිනට් රැස්වීමක් !


පකිස්ථාන අග්‍රාමාත්‍ය ඉම්රාන් ඛාන්ට එරෙහිව එරට විපක්ෂය විසින් ගොනු කළ විශ්වාසභංගයේදී පාර්ලිමේන්තුවේ බහුතර බලය විපක්ෂය වෙත ප්‍රකාශ වී තිබෙනවා.

මේ හේතුවෙන් අද සවස ජාතිය අමතා සිය තනතුරින් ඉල්ලා අස්වීමටයි පකිස්ථාන අග්‍රාමාත්‍යවරයා තීරණය කර ඇත්තේ.

මේවන විට පකිස්ථාන අග්‍රාමාත්‍ය ඉම්රාන් ඛාන් මූලිකත්වය දරන විශේෂ කැබිනට් රැස්වීමක් ද පැවැත්වෙනවා.
$ads={2}
පකිස්ථාන අග්‍රාමාත්‍යවරයා රට බරපතල වශයෙන් අගාධයකට ඇද දැමූ බව පවසමින් පකිස්ථාන ප්‍රධාන විපක්ෂය වන මුස්ලිම් ලීගය ප්‍රමුඛව අනෙක් දේශපාලන පක්ෂ මෙම විශ්වාසභංග යෝජනාව ගෙන ආවා.

මේවන විට ලොව වැඩිම උද්ධමන වේගය ඇති රටවල් අතර 11 වන ස්ථානයේ පසුවන පකිස්ථානය අග්‍රාමාත්‍ය ඉම්රාන් ඛාන්ගේ පාලනය යටතේ දැඩි ලෙස චීනයට නැඹුරු ප්‍රතිපත්තියක් අනුගමනය කළා.

කෙසේවෙතත් පකිස්ථාන මාධ්‍ය වාර්තා කරන්නේ එරට ඊළග අගමැතිවරයා බොහෝ විට පකිස්ථාන මුස්ලිම් ලීගය නියෝජනය කරන නායකයෙකු විය හැකි බවයි. කෙසේවෙතත් මේ දක්වා නව අග්‍රාමාත්‍යවරයා කවුරුන් ද යන්න ඉඟි පළවී නැහැ.

ඔබේ ප්‍රතිචාරය කුමක්ද ?

Post a Comment (0)
Previous Post Next Post