ගෑස් සමාගම ජනතාව නොමග යවලා



අද (දෙසැ. 9) උදෑසන මිල දී ගත් රතු පැහැති නව මුද්‍රාව සහිත ලිට්‍රෝ ගෑස් සිලින්ඩරයක් නිවසට රැගෙන ගොස් එම මුද්‍රාව ඉවත් කිරීමේදී රතු පැහැති මුද්‍රාවට යටින්, සුදු පැහැති පැරණි මුද්‍රාව තිබූ බව බගවන්තලාව ප්‍රදේශයේ කාන්තාවක් පවසයි.

''ලිට්‍රෝ ගෑස් පාරිභෝගිකයන් නොමග යැවීමේ අරමුණින් එම සමාගම විසින් පැරණි ගෑස් සිලින්ඩරයේ සුදු පැහැති මුද්‍රාවට උඩින්, රතු පැහැති මුද්‍රාව අලවා ඇති බව'' එම කාන්තාව පවසුවා ය.
$ads={2}
මේ අතර අප වාර්තාකරු සඳහන් කළේ, බගවන්තලාව ප්‍රදේශයේ ගෑස් අලෙවි නියොජිතයින් වෙත අද දින ලිට්‍රෝ සමාගම නව ගෑස් සිලින්ඩර් තොග බෙදා හැරි බව ය.

කෙසේ වෙතත්, ඔවුන් සතු පැරණි ගෑස් සිලින්ඩර වෙනත් දිනයක ලබා ගන්නා බවට එම සමාගම තමන්ට දැනුම් දුන් බව බගවන්තලාව ප්‍රදේශයේ ලිට්‍රෝ ගෑස් අලෙවි නියෝජිතයින් පවසා ඇත.

අප වාර්තාකරු සඳහන් කළේ, ගෑස් අලෙවිය තවදුරටත් අඩුවී ඇති බව හැටන් සහ බගවන්තලාව ප්‍රදේශයේ ලිට්‍රෝ ගෑස් අලෙවි නියෝජිතයින් පැවසූ බව ය.

ඔබේ ප්‍රතිචාරය කුමක්ද ?

ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් පළ කරන්න

Post a Comment (0)
Previous Post Next Post