බම්බලපිටියේ නිවසක ගෑස් පිපිරීමක්



බම්බලපිටියේ, පාසල් මාවතේ නිවසක අද (දෙසැ. 2) උදෑසන ගෑස් ආශ්‍රිත පිපිරීමක් සිදුවී තිබේ.

මෙලෙස පුපුරා ගොස් ඇත්තේ, ලිප් හතරක ගෑස් උඳුනක්, එය ගෑස් සිලින්ඩරයට සවි කර තිබූ රේගියුලේටරය සහ ගෑස් නලය බව mawbima.lk කළ විමසීමකදී නිවස හිමි කාන්තාව පැවසුවා ය.

ඇය සඳහන් කළේ, මීට දින කිහිපයකට පෙර අදාළ ලිප අලෙවි කළ සමාගමට දන්වා රේගියුලේටරය සහ නලය පරීක්ෂා කර එහි කිසිදු දෝෂයක් නොමැති බවට සහතිකයක් ද ලබා ගත් බව ය.
$ads={2}
කෙසේ වෙතත්, අද පෙරවරුවේ ගෑස් උඳුන ක්‍රියාත්මක කර තිබූ අවස්ථාවේදී එය පුපුරා ගිය බව ඇය පැවසුවා ය.

එම පිපිරීමෙන්, ගෑස් ලිප අවට තිබූ භාණ්ඩවලට හානි සිදුවී ඇති අතර කිසිවෙකුට ත් හානි සිදුවී නොමැත.

අදාළ ගෑස් සිලින්ඩරය මීට දින කිහිපයකට පෙර මිල දී ගත් බව ද නිවස හිමි කාන්තාව වැඩිදුරට ත් පැවසුවා ය.

ඔබේ ප්‍රතිචාරය කුමක්ද ?

ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් පළ කරන්න

Post a Comment (0)
Previous Post Next Post