තවත් ගෑස් පිපිරීමක් ඇඹිලිපිටියේ..



තවත් ගෑස් පිපිරීමක් ඇඹිලිපිටියෙන් වාර්තාවේ. ඇඹිලිපිටිය කදුරුගස්ආර හංදියේ වෙළද සැලක් පිටුපස ඇති එම වෙළද සැල් හිමියාගේ නිවසේ මුලුතැන්ගෙයි මෙම පිපිරීම සිදුව ඇත. 29 දා සවස මෙම පිපිරීම සිදුව ඇත.

ගෙහිමියා වන මොහම්දිරම්ගේ ඉන්දික (43) යන අය කියා සිටියේ සවස්කාලයේ වතුර උණු කිරීම සදහා වතුර තබා තමන් සාලයට පැමිණි බවත් මද වේලාවකින් විශාල ශබ්දයක් ඇසී බලන විට ගෑස් කුකරය පිපිරී ගොස් ගිනිගනිමින් තිබෙන අයුරු තමන්ට දක්නට ලැබුනු බවත් වහාම ඔහු විසින් මෙම ගින්න නිවා දැමීමට කටයුතු කල බවද කීය. මෙහිදී ගෑස් කුකරය වීදුරු සහිත එකක් බැවින් පිපිරී එහි කොටස් විසිවී තිබෙනු දක්නට හැකි විය.
$ads={2}
පිපිරීම සිදුවන අවස්ථාවේදී එම ස්ථානයේ කිසිවකු සිට නොමැති අතර එබැවින් කිසිවෙකුට කිසිදු අනතුරක් සිදුව නොමැත. ශබ්දය ඇසුනු බැවින් තමන් ගින්න නිවූ බව පවසන ගෙහිමියා එසේ නොමැති වූවානම් විශාල අනතුරක් සිදුවිය හැකි බවද පවසයි.

මේ සම්බන්ධයෙන් නිවෙස් හිමිකරු විසින් ඇඹිලිපිටිය පොලීසියට පැමිණිල්ලක් සිදුකර ඇත.

– ඇඹිලිපිටිය ප්‍රගීත් ජනක

ඔබේ ප්‍රතිචාරය කුමක්ද ?

ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් පළ කරන්න

Post a Comment (0)
Previous Post Next Post